பல வருடங்களாக திரையில் தோன்றி விடுவோமா என்ற ஏக்கத்தில் பலரும் முயற்சித்து வரும் நிலையில் சமீப காலமாக சின்னத்திரையில் தங்களது நடிப்பு திறமையை வெளிப்படுத்துவதன் மூலமாக, பல நடிகர் மற்றும் நடிகைகளும் திரைபடங்களில் வாய்ப்பை பெற்றது வழக்கமாகி வருகிறது. ஆனால் இதையெல்லாம் மீறி அண்மைக் காலமாகவே சமூக வலைதளங்களில் பிரபலமாகும் நபர்கள் சினிமாவில் வாய்ப்பு பெற்று நடித்து வருவதும் வழக்கமாகியுள்ளது.
அந்தவகையில், டிக் டாக் என்ற சமூக வலைத்தளத்தில் பிரபலமாக வலம் வரும் இலக்கியா என்பவர் தற்பொழுது, ஒரு படத்தில் நடிக்க இருக்கிறார். இவர் டிக்டாக்கில் தொடர்ந்து இரட்டை அர்த்த வசனங்களுடன் ஆபாசமான வீடியோக்களை பதிவு செய்வதன் மூலமாக மிகவும் பிரபலமானார் என்பது குறிப்பிடத்தக்கது.
இவர் கடந்த 2018 ஆம் ஆண்டு முதல் தமிழ் சினிமாவின் கவர்ச்சி பாடல்களை மட்டும் பெரும்பாலும் தேர்வு செய்து அந்தப் பாடலுக்கு மட்டும் டிக் டாக்கில் உணர்ச்சிப்பூர்வமாக நடித்து வீடியோக்களை தொடர்ந்து வெளியிட்டு வந்தார்.
குறிப்பாக டிக்டாக்கில் இவர் கணக்கு தொடங்கிய சில மாதங்களிலேயே அதில் அதிக லைக்குகளை பெற்று பிரபலமானார் என்பதும் குறிப்பிடத்தக்கது. இவ்வாறு இவர் வெளியிட்ட அந்த டிக் டாக் வீடியோக்கள் பல லட்சக்கணக்கான லைக்ஸ்களை பெற்றிருந்த சூழலில் சமீபத்தில் அந்த செயலிக்கு மத்திய அரசு தடைவிதித்து அறிவித்தது அவர் உள்ளிட்ட அவரது ரசிகர்களுக்கும் அதிர்ச்சியை அளித்தது.
இந்நிலையில் தான் டிக்டாக் மூலம் பிரபலமான இந்த டிக்டாக் இலக்கியா தமிழ் சினிமாவில் நடிகையாக அறிமுகமாக உள்ளார். புதுமுக இயக்குநர் அலெக்சாண்டர் ஆறுமுகம் இயக்கும் இந்தப் படத்துக்கு ‘நீ சுடாம வந்தியா’ என்று தலைப்பு வைக்கப்பட்டுள்ளது. டிக்டாக் இலக்கியா நடிக்கும் இந்த படத்தின் ஹீரோவாக விக்கி என்பவர் நடிக்கிறார்.
இந்த படம் அடல்ட் மற்றும் காமெடி கலந்த த்ரில்லர் கதையை கொண்டது என்று தகவல்கள் வெளியாகியுள்ளது.குறிப்பாக இந்த படத்தில் டிக்டாக் இலக்கியாவுக்கு டபுள் மீனிங் பேசும் ஒரு கிளுகிளுப்பான கதாபாத்திரம் கொடுக்கப்பட்டுள்ளதாக கூறப்படுகிறது.
சாதரணமாகவே இவருடைய டிக்டாக் பக்கத்தில் வெளியிடும் வீடியோவில் இப்படித்தான் பேசுவார். இந்நிலையில் அவர் நடிக்கவிருக்கும் படத்திலும் அப்படி ஒரு கதாபாத்திரம் கொடுக்கப்பட்டதால் அவருடைய ரசிகர்கள் மத்தியில் பலத்த எதிர்பார்ப்பு கிளம்பியுள்ளது.
இந்நிலையில், டிக்டாக் இலக்கியா அவருடைய இன்ஸ்டாகிராம் பக்கத்தில் வெளியிட்டு வரும் சமீபத்திய போட்டோஷூட்களில் எல்லையை மீறி உச்ச கட்ட கவர்ச்சியை காட்டி வருகிறார். குறிப்பாக சமீபத்தில் அவர் மேலே ஆடை எதுவும் போடாமல், கைகளால் மட்டுமே உடலை மறைத்துள்ள வகையில் போட்டோஷூட் நடத்தி வெளியிட்ட புகைப்படம் படு கவர்ச்சியாக அமைந்துள்ளது.
அவர் இவ்வாறு ஆடையே இல்லாமல் கைகளால் உடலை மறைத்து வெளியிட்ட இந்த புகைப்படத்திற்கு அவருடைய ரசிகர்கள் அவருடைய போக்கிலேயே இரட்டை அர்த்தத்துடன் கமென்ட் செய்து வருகின்றனர்.
